Виролозите изразија загриженост за појавата на уште една подваријанта на омикрон-сојот на коронавирус кој брзо се шири во Индија, а веќе пристигна и во Велика Британија.
Предупредувањето дојде откако британските пратеници повикаа на двоен напор за да се убедат речиси три милиони возрасни лица во Англија кои сè уште не примиле ниту една доза од вакцината против КОВИД-19 да ја прифатат понудата.
Европскиот центар за превенција и контрола на болести (ЕЦДЦ) ја означи најновата подваријанта како „варијанта под надзор“, што значи дека има некои индикации дека може полесно да се пренесе или е поврзана со потешка форма на болеста КОВИД-19, но доказите се засега слаби или сè уште не се оценети
Варијантата BA.2.75, наречена Кентаур (Centaurus), за прв пат беше откриена во Индија во почетокот на мај. Случаите на инфекција во Велика Британија оттогаш се зголемија нагло, очигледно побрзо од оние на високо преносливата варијанта BA.5, која исто така е присутна во Индија и која брзо ја истиснува претходно доминантната варијанта BA.2 во многу земји.
BA.2.75 е исто така откриена и во околу 10 други земји во светот, вклучувајќи ги Велика Британија, САД, Австралија, Германија и Канада.
На 7 јули, Европскиот центар за превенција и контрола на болести (ЕЦДЦ) ја означи најновата подваријанта како „варијанта под надзор“, што значи дека има некои индикации дека може полесно да се пренесе или е поврзана со потешка форма на болеста КОВИД- 19, но доказите се засега слаби или сè уште не се оценети.
BA.2.75 е исто така откриена и во околу 10 други земји во светот, вклучувајќи ги Велика Британија, САД, Австралија, Германија и Канада
Светската здравствена организација (СЗО) исто така внимателно ја следи новата варијанта, иако главниот научник на СЗО, д-р Соумја Сваминатан, рече дека сè уште нема доволно докази за да се процени сериозноста.
Покрај брзиот пораст на случаите и широката географска дистрибуција, виролозите беа вознемирени и од големиот број дополнителни мутации што ги содржи BA.2.75 во споредба со BA.2, од која веројатно еволуирала.
„Ова може да значи дека имала можност да развие предност во однос на веќе успешната лоза на вирус“, рече д-р Стивен Грифин, виролог од Универзитетот во Лидс.
„Не се работи толку за точните мутации, туку повеќе за бројот/комбинацииите. Тешко е да се предвиди ефектот на толку многу мутации што се случуваат заедно, каде што збирот на делови може да биде полош од деловите поединечно. Дефинитивно е потенцијален кандидат за она што доаѓа после BA.5. Ако тоа не успее, тоа е веројатно она што ќе го имаме следно, „варијанта на варијантата“, објаснува д-р Том Пикок, виролог од Империjал колеџ во Лондон, кој првпат го идентификуваше омикронот како потенцијална грижа уште во ноември 2021 година, пренесува британски „Гардијан“.
