Сезоната на грип обично започнува во САД во ноември, декември. Затоа е важно сега да се вакцинирате против грип. Здравствените експерти од клиниката Мајо велат дека тоа е најдобрата алатка за спречување на грип. И децата од речиси секоја возраст се подобни за вакцинација.
Зимата доаѓа. А здравствените експерти од клиниката Мајо велат дека исто така доаѓа и грипот. „Загрижени сме дека во зима, кога повеќе луѓе се во затворени простории повторно, грипот ќе биде полош од вообичаеното, ако не вакцинираме доволно луѓе“, вели д-р Прија Сампаткумар, специјалист за инфективни болести од клиниката Мајо.
А тоа ги вклучува децата.
„За разлика од Ковид-19, каде што не добивате многу клиничка болест со Ковид-19 и мали деца, грипот е спротивен. Тој всушност предизвикува потешки болести кај малите деца, особено кај децата на возраст под 5 години“, вели д-р Сампаткумар.
Децата над 6 месеци може да добијат вакцина против грип, а на некои деца под 9 години им се потребни две дози.
„На децата помлади од 9 години им требаат две дози ако е прв пат да се вакцинираат против грип. Двете дози треба да бидат одвоени во интервал од четири недели. Затоа, оставете си доволно време да го заштитите вашето дете од грип“, додава д-р Сампаткумар.
Бесплатни вакцини против сезонски грип за деца на возраст од шест месеци до пет години во земјава
Министерството за здравство вчера информираше дека набавило 40.000 дози четиритипни вакцини против сезонски грип, наменети за ризични групи, меѓу кои се и децата на возраст од 6 месеци до 5 години.
Вакцината за овие групи граѓани е бесплатна, а пријавувањето се одвива преку страницата vakcinacija.mk.
