Колку време поминувате со вашето дете после работа? Според психологот Наталија Сиротич, три минути се клучни.
„Доколку се држите до правилото од 3 минути, ќе ја стекнете довербата на вашето дете и ќе ја имате дури и кога тоа ќе е во тинејџерски години“, вели таа.
Според нејзиното правило, важно е да поминувате 3 минути со детето секој ден така што ќе се спуштите на неговото ниво, ќе го гушнете и ќе го прашате што се се случило додека не сте се виделе.
„Особено е важно да го следите ова правило кога го земате вашето дете од градинка или училиште или кога се враќате дома од работа. Тоа не значи дека треба да поминете само три минути со вашето дете, но тие се клучни за да бидете сигурни дека вашето дете ќе ви каже се што е важно и сака да го каже“, тврди Сиротич.
Според психолозите, со цел родителите да постигнат ниво на целосно разбирање со своето дете, тие исто така можат да ги следат и овие препораки:
- Одвојте малку време секој ден за нешто што ве интересира вас и вашето дете.
- Дајте им до знаење на вашите деца дека ги слушате. Повторете го она што ви го кажале за да бидете сигурни дека сте ги разбрале.
- Не демонстрирајте лажна возбуда
- Избегнувајте долги и бескорисни дискусии.
- Вратете се на разговорот малку подоцна и кажете му на вашето дете дека се сеќавате за што сте разговарале.
