Ако внимателно се погледне положбата што ја зазема бебе старо четири-пет месеци кога е на грб, ќе видиме доста сличности со седечката положба. Рамнотежата е воспоставена, главата е во средишна положба, бебето фаќа играчка со дланките и ја става во уста.
Речиси цело време ги држи нозете подигнати, ги набљудува своите стапала и го допира горниот дел од нозете. Ако подобро погледнеме, вели Снежана Милановиќ, физиотерапевт, ќе видиме дека бебето всушност седи.
На овој начин бебето ги јакне стомачните мускули и така се подготвува за седење. Кога на оваа возраст би го ставиле бебето да седи, тежината на горниот дел од телото би го оптоварила ‘рбетниот столб и би дошло до негово искривување. Затоа на бебето треба да му се овозможи само, постпено да дојде до самостојна седечка положба.
Повеќето бебиња прво научуваат да се подигнуваат на колена и да лазат, пред самостојно да почнат да седат, додека мал број тоа го прават обратно, прво седнуваат, а потоа од седечка положба преминуваат во лазење. Во осмиот месец бебињата често си играат на страна, потпирајќи се на лактот на едната рака. На овој начин вежбаат рамнотежа и полека се подготвуваат за седење.
Дури кон крајот на деветтиот месец од лежечка положба бебето може да се исправи во странична, седејќи со потпирање на дланката. Од коса седечка положба со свиткани нозе се обидува да лази потпирајќи се на дланките.
Со една година, повеќето бебиња преку странична седечка положба доаѓаат во седечка без туѓа помош.
Ако сте му дозволиле на бебето само да се исправи и седне, тоа сигурно че седи, со исправен грб и малку свиткани нозе, објаснува Милановиќ. Со оглед дека на оваа возраст потребата за движење е голема, бебето кусо ќе се поигра и ќе продолжи да лази. Дури сега е комплетно безбедно да се остави бебето и во седечка положба.
Најдобриот начин бебето да се подготви за седење е да од 4 месец биде што повеќе на рамна, црвста подлога, најдобро на под каде може да биде активно. Затоа не се препорачува ставање на бебето во носилки, лулашки и долг престој во нив, бидејќи станува пасивно и нема можност да ги тренира мускулите.
Покрај ризикот да дојде до промени на ‘рбетниот столб, предвременото ставање во пасивна седечка поможба може и кај здрави бебиња да доведе до заостанување во физичкиот развој.
Милановиќ потенцира дека доколку имате бебе на возраст од шест месеци до една година и веќе сте го ставиле во пасивна седечка положба, да престанете тоа да го правите и доволете му без присила да се подготви за самостојно седење.
