Икањето на новороденчето може да биде многу изненадувачко за родителите на прво бебе, но нема причина за паника. Тоа е нормална појава и нема потреба да ја стопирате и спречувате.
“Се чини дека икањето повеќе им пречи на родителите отколку на бебињата. Многу родители се грижат дали на бебето му е лошо оти ика. Тоа обично не е случај“, истакнува д-р Хилари Сисмонфо, педијатар од Арканзас.
Како и возрасните, и бебињата имаат голем мускул помеѓу абдоменот и градите – дијафрагма. Како тоа се движи горе и долу, така учествува во дишењето. Од време на време, како и останатите мускули, таа се грчи што предизвикување икање.
Со оглед на тоа дека не е јасно одредено што доведува до спазам (грчење), а некогаш нема апсолутно ниту една причина за тоа, докторката ги предупредува родителите да не користат некои непроверени лекови.
“Многу пати сум слушнала за лекови како шеќер, путер од кикирики, вода или лимон. Ништо од тоа не се покажало ефикасно, а плус и не е безбедно за бебето. Немојте да го правите тоа“, истакнува д-р Сисмонфо.
За да го смирите икањето, таа предлага на бебето да му дадете цуцла, да му го масирате грбот и да го нишате.
Превентива за икање, вели д-р Сисмонфо е редовна исхрана на бебето и следење кога тоа е гладно.
Таа повторува дека икањето не треба да ги загрижува родителите, и дека на детето не му е непријатно, но сепак ако постои уште некој симптом, најдобро е да побарате педијатриски совет.
