Генерално, листата на овие намирници се однесува на бебиња кои имаат над шест медеци. Некои намирници може да внесат во детската исхрана и пред шестиот месец, ако бебето е подготвено за нив. Запомнете дека цврстата храна во исхраната на бебето не треба да се внесува пред четвртиот месец, и затоа е многу важно да се консултирате со вашиот педијатар за тоа кои намирници кога да почнете да му ги давате на детето.
Ова е продолжение од вчерашната листа на супернамирници за бебиња:
- Житарки
Богати се со железо, и на бебето му го обезбедуваат потребното за раст и развој. Бебињата се раѓаат со одредена количина на железо, но таа се троши до 5-6 месец. Бидејќи може да предизвикаат алергиска реакција, за секоја житарка консултирајте го педијатарот.
- Пилешко месо
Богато е со протеини и витамин Б6, кој му помага на организмот да ја скористи енергијата од храната. Важно е бебето да внесува адекватна количина на протеини, за да се поттикне неговиот правилен раст.
- Црвено месо
Тоа обезбедува железо кое лесно се апсорбира, што им помага на црвените крвни зрнца да пренесуваат кислород и помагаат во развојот на мозокот. Може да се дава испасирано, додека поголемите деца може да го јадат убаво сварено и ситно исчекано.
- Тиква
Бебињата го сакаат слаткиот вкус на тиквата, која во себе содржи бета-картоен, витамин Ц, калиум, фолати, Б витамини и влакна
- Риба
Масната риба, како лосос, е полна со есенцијални масти и витамини кои го помагаат развојот на мозокот, имунитетот и видот. Белата риба има и дополнителна количина на протеини во себе. Но, пред воведување во исхраната на бебето, поради можни алергиски реакции, консултурајте се со педијатар.
- Домат
Одличен извор е на ликопен, антиоксидант кој спречува карцином и срцеви болести. Ликопенот најефикасно се апсорбира во телото ако доматот се свари со малку масло.
- Грашок
Изобилува со витамин К, кој заедно со калциумот ги јакне коските. Содржи и витамини А и Ц, фолна киселина, влакна и Б витамини
- Брокула
Поради високиот процент на витамин Ц, бета-каротен, калиум, железо и фолна киселина, ова е супернамирница за бебињата
- Кафеав ориз
Тој обезбедува енергија и некои протеини, Б витамини и минерали. Многу е похранлив од белиот ориз.
