Со оглед на големината на нивните стомачиња, бебињата не јадат многу, па затоа е многу важно да сите намирници кои ги внесуваат бидат нутритивно богати.
Кои се тие супрехамирници кои се одлични за бебешкото здравје? Погледнете!
- Банана
Таа содржи многу јаглехидрати, кои на бебето му обезбедуваат енергија. Покрај тоа, богати се со влакна, со што ја потпомагаат работата на дигестивниот тракт на детето.
- Сладок компир
Богат е со калиум, витамин Ц, влакна и бета-каротен. Повеќето бебиња го обожаваат слаткиот компир, пред се поради вкусот. Сварен и испасиран, овој вид на компир е одлична кашичка за бебиња кои штотуку почнуваат со дохрана.
- Авокадо
Има најголема количина на протеини од сите други овошја. Богато е со мононезаситени масти, кои помагаат во заштита на срцето.
- Јајца
Белката на детето му обезбедува протеини, додека жолчката во себе содржи витамини А, Д, Е и Б12. Содржи и холин, кој според истражувањата, е клучен за развојот на мозокот.
- Морков
Богат со бета-каротен, кој се претвора во витамин А, кој има важна улога во растот и развојот на видот кај детето.
- Јогурт
На бебето му обезбедува протеини, фосфор и калциум, кои се значајни за силни коски и заби. Покрај тоа, тој е пробиотик кој ја подобрува дигестијата и го јакне имуниот систем.
Во следното продолжение: Кога бебето може да јаде суперхрана?
