На новороденчињата не им треба многу време за да започнат да реагираат на светот околу себе. Тие ќе ја подигнат главата кон гласот на нивната мајка или татко речиси од самиот почеток и наскоро ќе почнат да им се насмевнуваат на насмеаните лица што ги гледаат.
Нежниот тон на гласот, топлите изрази на лицето и избегнувањето употреба на прекари ќе му помогнат на вашето бебе да го поврзе своето име со себе, но и со љубовта и сигурноста која зрачи од вас
Многу родители мислат дека нивното бебе реагира на своето име веќе на возраст од четири месеци, но тоа веројатно не е така. Поголема е веројатноста дека обрнува внимание на гласовите, на познатото и утешно присуство на луѓето кои се со него уште од раѓањето. И тоа е навистина добро затоа што покажува дека слухот на детето е добар, има одлична мускулна контрола и создава приврзаност со блиски луѓе.
Бебињата почнуваат да го препознаваат своето име и да реагираат на него на возраст помеѓу пет до девет месеци. Ова е клучна пресвртница и ран индикатор за правилен развој. Тоа е знак дека вашето бебе почнува да работи на независноста. Полека почнува да сфаќа дека вие и тоа сте две одделни суштества.
Доколку вашето дете до возраст од девет месеци не почне да реагира на своето име, обратете внимание на кој начин комуницира и секако за тоа поразговарајте со вашиот педијатар
Нежниот тон на гласот, топлите изрази на лицето и избегнувањето употреба на прекари ќе му помогнат на вашето бебе да го поврзе своето име со себе, но и со љубовта и сигурноста која зрачи од вас. Разговарајте со бебето и викајте го по име преку секојдневните активности како што се менување на пелени, хранење и играње.
Што ако бебето не реагира на своето име?
Доколку вашето дете до возраст од девет месеци не почне да реагира на своето име, обратете внимание на кој начин комуницира и секако за тоа поразговарајте со вашиот педијатар. Едноставен тест за реакција на името спроведува обучен професионалец и тоа е ефикасен начин за идентификување и лекување на можни развојни нарушувања.
„Од говорна и јазична перспектива, проблемите со препознавање на името можат да бидат знак на рецептивни јазични проблеми, како и доцнење на вештините за социјална комуникација“, објаснува д-р Кејтлин Рааз, доцент по аудиологија и говорни јазични науки на Универзитетот Northern Colorado во САД.
„Повеќето модели на рана интервенција се насочени на родителите, односно семејството. Тоа значи дека терапевтот првенствено работи со родителите, обезбедувајќи им обука и поддршка за да можат да дејствуваат како детски терапевти. Таквиот модел може да биде исклучително ефикасен затоа што родителите се први и најважни наставници на детето“, додава таа, а пренесува „Fatherly“.
