Да чекате изостанок на циклусот или веднаш да направите тест? Најдобар начин да направите тест за бременост е да причекате додека не ви изостане месечниот циклус. Тестовите за бременос, кои може да се купат во аптека, покажуваат попрецизни резултати, ако ги направите подоцна. Но, ако сакате да дознаете побрзо, ова се некои работи кои треба да ги земете предвид кога да го одбирате времето за тестирање.
Овулација, зачнување и имплантација
Мора да запомните дека секоја жена е различна и дека времето потребно за оплодените јајце клетки да се сместат во матката, може да варира. Најчеста заблуда е дека имплантацијата се случува 7 дена по зачнувањето, но истражувањата покажале дека првиот знак на хормонот за бременост hCG, поради имплантацијата, се јавува 6-12 дена по овулацијата, со тоа што кај 84% од бременостите имплантацијата се случува помеѓу 8 – 10 ден по овулацијата. Ако тестот за бремност не е позитивен, тоа не значи дека навистина не сте трудни… Можеби подоцна сте имале овулација (што значи дека и зачнувањето и производството на hCG хормонот, не се случиле онака како што сте пресметале), или кај вас процесот на имплантација траел подолго од просекот.
Чувствителност на тестовите за бременост
Чувствителноста на денешните тестови за бременост може многу да варира. Колку е почувствителен тестот, поголема е шансата да ја откриете бременоста пред да добиете циклус. Чуствителноста на тестот за бременост значи дека може да открие и пониско ниво на хормонот hCG. На пример, некои тестови може да откријат 20 mIU од хормонот hCG, додека други откриваат бременост на 150-250 mlU. Ова значи дека тестовите може да откријат и помали количини на хормонот и порано да го покажат позитивниот резултат.
Тестот кој е чувствителен на 20 mIU на хормонот, може да открие бременост 6-8 дена по овулација (секако ако се случила имплантација), но многу мал процент на жени може да добијат позитивен тест толку рано. Овој процент се зголемува кај жените кои тест направиле 9-10 дена по овулацијата.
