До болести на бубрезите доаѓа кога бубрезите се оштетени и не можат правилно да ја филтрираат крвта. Ова оштетување може да предизвика таложење на отпад и течности во телото, а бубрежните заболувања може да предизвикаат и други здравствени проблеми. Ако не се лекуваат, болестите врзани со бубрезите можат да бидат опасни по живот, предупредува Националниот институт за дијабетес и бубрежни заболувања. Иако се почести кај возрасните, проблеми со бубрезите може да се појават и кај децата.
Ако не се лекуваат, болестите врзани со бубрезите можат да бидат опасни по живот, предупредува Националниот институт за дијабетес и бубрежни заболувања. Иако се почести кај возрасните, проблеми со бубрезите може да се појават и кај децата
Истражувачите не знаат точно колку деца се погодени од бубрежни болести, бидејќи многу од нив имаат малку или немаат никакви симптоми во раните фази на болеста. Сепак, педијатрите се согласуваат дека болестите на бубрезите се почести кај машките деца отколку кај женските деца. Симптомите кои укажуваат на проблеми со бубрезите кај најмладите вклучуваат:
- отекување на стапалата, нозете, рацете или лицето,
- зголемено или намалено производство на урина,
- пенеста урина или крв во урината,
- намален апетит,
- покачена температура,
- висок крвен притисок,
- чешање на кожата,
- гадење или повраќање,
- нагло губење на тежината,
- забавен раст.
Исто така, педијатрите нагласуваат дека симптомите може да се разликуваат од дете до дете, во зависност од причината за самата бубрежна болест. Некои од нив вклучуваат вродени дефекти, наследни болести, инфекции, системски заболувања, одредени трауми или блокада на уретрата.
