Не е секогаш лесно за родителите да проценат кога проблемот на детето е безопасен, а кога е потребна медицинска помош. Особено кога станува збор за интимната регија на дете, не е лесно да се процени како стојат работите, но овој мал водич ќе ви помогне да знаете кога е време да го однесете вашето дете кај уролог. Можеби ќе ве изненади, но урологот всушност не е лекар само за момчиња, иако девојчињата поретко се пациенти кај овие специјалисти. Работата е во тоа што уролозите не се одговорни само за здравјето на гениталиите, туку понекогаш лекуваат и проблеми поврзани со бубрези, кила и слично.
“Како специјалисти, ние сме обучени да ја гледаме пошироката слика. Многу уролошки проблеми, како што е уринарната инконтиненција, се само дел од приказната. Ние помагаме да се утврдат и лекуваат било какви скриени медицински проблеми, како и други фактори кои придонесуваат за проблемот”, вели детскиот уролог д-р Џесика Хеник.
Еве зошто родителите најчесто ги носат децата на уролог, според зборовите на д-р Хеник.
Мокрење во кревет и проблеми со мочниот меур
Навикнувањето на нокшир не е секогаш лесно, а кога на тој пат детето се соочува со потешкотии, како родителите да знаат дали причината е некој медицински проблем или на детето едноставно му треба повеќе време?
„Секое дете е различно, но некое општо правило е дека ако детето не може да остане суво во текот на ноќта до возраст од шест години, треба да се консултирате со детски уролог“, вели докторката. Исто така, нејзин совет е да побарате лекарска помош и ако детето одеднаш почне повторно да ги мокри во гаќи било во текот на денот или навечер, ако претходно веќе било навикнато на нокшир.
Постојат многу причини за мокрење во кревет или уринарна инконтиненција, вели д-р Хеник, истакнувајќи дека причината може да биде стрес од некои големи животни промени, како што се преселување, нов член на семејството, па дури и неодамнешна или повторна уринарна инфекција.
„Можеби и воопшто не постои проблем, но подобро е да се исклучи некојасериозна дијагноза“, забележува таа.
Уринарни инфекции
Инфекциите на уринарниот тракт кои можат да се појават кај бебињата и децата од двата пола главно може да ги лекуваат и педијатри, но доколку одново се јават инфекции на уринарниот тракт, тогаш детето треба да го прегледа педијатриски уролог.
“Уринарните инфекции кои се повторуваат може да бидат знак дека нешто се случува. На пример, детето може да има анатомска аномалија која придонесува за чести инфекции. Исто така, децата со чести инфекции на уринарниот тракт често имаат некое необично однесување поврзано со измокрување, односно дисфункција на мокрењето“, објаснува тој.д-р Хеник. Понекогаш децата не можат свесно да ја контролираат уринарната дисфункција, но секако е многу важно точно да се утврди што е проблемот и да се работи на негово решавање, бидејќи оваа состојба може да биде многу фрустрирачка и за родителите и за децата.
Вродени проблеми
Детскиот уролог може да помогне и при различни вродени проблеми во органите во телото како што се бубрезите, мочниот меур и репродуктивните органи, како и гениталиите. Кога станува збор за операции, д-р Хеник нагласува дека целта е секогаш да се постигне или одржи уролошката функција, а потоа и да се обезбеди најдобар можен естетски изглед.
Уште некои други состојби кои детските уролози ги лекуваат се:
- Ноќно мокрење и дисфункција на мочниот меур
- Абнормалности на бубрезите, уретрата или мочниот меур
- Генитални аномалии
- Хернија, хидроцела (водена хернија)
- Камен во бубрегот
- Уринарни инфекции
- Крв во урината
- Аномалии на уринарниот тракт дијагностицирани пренатално
