Дојдоа деновите кога ќе жалиме за летото и училишниот распуст. Добро, можеби тоа е малку претерување, но, само кога ќе помислиме на она „Не сакам да учам“, веднаш ни се “стемнува“ училиште. Тука се и варијации како: „Зошто ми треба ова?“, „Никогаш нема да го користам во животот!“, „Ова ми е досадно!“, „Не ми оди!“…
Тие реченици можат да нè фрустрираат, но мора да знаеме дека зад нив често стои многу повеќе од само отпор. Децата не одбиваат да учат затоа што се мрзливи, туку затоа што се чувствуваат преоптоварени, несигурни или едноставно не гледаат смисла. Можеме ли да ги обвиниме?
Добрата вест е дека постојат начини како да ги мотивираме — без закани, казни и викање. Еве неколку тактики кои се темелат на принципите на позитивно родителство, а можат да помогнат детето повторно да најде волја за учење.
- Прво емоциите, па задачите
Наместо веднаш да реагираш со „Престани да се жалиш“, обиди се:
„Звучи како денес ти е навистина тешко. Можеме да направиме кратка пауза, па заедно да видиме што не ти е јасно.“
Кога детето ќе почувствува дека го разбирате, полесно ќе се отвори и ќе соработува.
- Дадете му избор
Децата сакаат да имаат чувство на контрола. Наместо да им наложуваш редослед, прашај:
„Сакаш прво да ја решиш математиката или природните науки?“
Така се чувствуваат вклучени и покажуваат помал отпор.
- Пофалете го трудот, не резултатот
Наместо „Браво, паметен си!“, кажи:
„Видов колку се потруди околу оваа задача, гледаш колку се исплати.“
Ова го гради трпението и самодовербата, дури и кога резултатот не е совршен.
- Нека учи во кратки блокови
Долго седење над книгите ретко носи резултати. Обиди се со 25 минути учење, па 5 минути пауза. Овој ритам помага за концентрација и го намалува отпорот. - Поврзете го материјалот со вистинскиот живот
Ако детето учи математика и не гледа смисла, прашај го како би го користел тоа кога ќе одите во продавница. Кога материјалот има смисла, мотивацијата расте. - Воведете техники за смирување
Кога детето вели „Не можам повеќе“, покажи му како да дише длабоко, да се истегне или кратко да излезе надвор. Учењето не мора да биде стресно — може да биде ритмично и поддржувачко. - Создадете мирна средина
Рутина, тишина и јасно определено место за учење прават чуда. Хаосот дома често се пренесува во хаос во умот. - Бидете пример
Децата учат со набљудување. Ако ти покажуваш љубопитност, читаш, истражуваш — и тие ќе го усвојат тоа. Учењето не е само училишна обврска, туку начин на живот.
