Ако се прашува биологијата, најдобро години за раѓање бебе се доцните тинејџерски години или раните дваесетти години. Според лекарите во тој период јаје клетките се најсвежи, а репродуктивните органи се во својот пик.
Меѓутоа, стручњаците предупредуваат дека иако младите девојки во тие години се биолошки најподготвени, бременостите често ги следат социјални потешкотии.
Раѓањето во раните дваесетти најчесто се случува надвор од бракот и многу често го попречува продолжувањето на образованието.
Повеќето млади жени се согласуваат со овој став, тврдејќи дека на таа возраст се уште се чувствуваат неодговорно и незрело да станат родители.
Разни студии – разни заклучоци
Најдобар период за раѓање се всушност годините во кои жените имаат најголеми шанси да родат здраво дете.
Така, едно калифорниско истражување заклучува дека најдобра возраст за прво раѓање е 26 години, бидејќи тогаш шансите за раѓање дете со било какво нарушување се најмали.
Друга студија пак, базирана на национални податоци, земала предвид други фактори, поточно стапката на смртност кај новороденчиња и како најдобра возраст за раѓање се покажала 32. година од животот.
Трето истражување покажало дека најдобри години за породување, што се однесува до долгорочното здравје на мајката е 31. година.
Сепак, ако жената сака да има повеќе деца, треба прво дете да роди и пред 34 години, додека препорака е да со породувања да се заврши пред 35 година. Токму овој е заклучокот од истражувањето што го спровел социологот Анџело Алонзо.
Во ова истражување е откриено дека жените кои родиле по 35. година имале проблеми со висок крвен притисок, високо ниво на глукоза во крвта, лоша општа здравствена состојба, поради што биле помалку подвижни подоцна во животот за разлика од жените кои родиле пред 35. година.
