Кога е време за прво излегување со новороденчетп? Дали дда чекате да поминат 40 дена? Ова се прашуваат многу новопечени мајки. Иако порано се сметало дека новороденчето никогаш не треба да излегува надвор пред првиот месец од животот, денес бебињата на првата прошетка одат многу порано, но треба да се внимава бебето да не биде опкружено со голем број луѓе.
„Времето мора да биде пријатно, значи, ниту премногу студено или премногу топло. Пролетните и летни бебиња, односно оние родени во топли сезони, секако можат порано да излезат надвор, но не се препорачува излегување со бебето на многу топло време“, вели педијатарката Џована Армано.
Таа додава дека доколку бебето се родило во зима, сепак би било добро да се почека и до еден месец, освен ако зимата е исклучително блага и бебето е добро, може да се препорача прошетка и пред да наполни еден месец. но околу пладне.
Исто така, многу е важно каде одите на прошетка со вашето бебе. Воопшто не се препорачува пешачење по патишта со голема фреквенција на возила, а секако пожелно е пешачење во природа или во паркови.
„Првите прошетки треба да бидат пократки, на пример, петнаесет минути, а потоа сè повеќе и повеќе, се разбира повторно во однос на времето и возраста на бебето. Бебињата обично сакаат да бидат на воздух и добро спијат кога ги шетаат“, советува д-р. Армано.
