За прашањето кога доенчето преминува на црвста храна постојат различни мислења, но повеќето стручњаци се согласуваат дека мајчиното млеко треба да биде основна храна во првите шест месеци од животот на бебето.
Што се однесува за воведувањето на месо, препораките се тоа да не биде пред осмиот, односно деветиот месец од животот на бебето.
Не секое месо е за бебе, па најдобро е да се почне со пилешко месо или со мисиркино. Многумина ќе помислат и на телешко месо, но структурата на ова месо е поинаква, и ако не е младо, не доаѓа во предвид.
ПОДГОТОВКА
Месото прво сварете го така што во средината никогаш не е со црвенкаста боја. Не е во прашање само безбедност поради можноста за труење, туку бебето не може да свари слабо термички обработено месо. Исто така, добро е свареното месо да се остави во споствениот сок. Месото треба да се иситни во мискер и тогаш може да се дава поединечно или во комбинација со варен зеленчук.
ПРЕРАБОТКИ
Месни преработки (салами или виршли) не се препорачливи за исхраната на малите деца, бидејќи содржат нитрати и нитрити.
ХИГИЕНА
Остатокот од месните лашички не е добро преку ноќ да се оставаат во фрижидер, бидејќи веќе дошло до контаминација преку лажицата. Затоа, задолжително по оброкот, колку и да останала кашичка, најдобро е да се фрли.
РИБА
Што се однесува до месото од риба во исхраната на бебињата, мислењата на педијатрите се поделени, но има и такви кои заговараат користење на чисто бело месо од риба кое претходно треба да се иситни и да се измеша со зеленчук.
