Јајцата претставуваат важен извор на хранливи материи и можат да одиграат клучна улога во растот и развојот на вашето бебе. Ако штотуку започнувате со воведување цврста храна во исхраната на вашето бебе, можеби се прашувате што точно може да јаде и кои се најдобрите намирници. Овошје? Секако! Зеленчук? Без сомнение! Месо? Апсолутно!
Но, што е со јајцата? Јајцата често предизвикуваат многу прашања, можеби затоа што денес сме посвесни за алергиите кај децата отколку порано. Симптомите на алергија на јајца можат да варираат — од благи до сериозни алергиски реакции (анафилакса). Најчести симптоми се алергиските реакции на кожата. Други симптоми можат да вклучуваат затнат нос и чешање, солзење на очите, грчеви, мачнина или повраќање. Се препорачува при секој оброк да се воведува само по една потенцијално алергена намирница (како што се јајца, млечни производи, кикиритки, јаткасти плодови, соја, сусам, пченица, риба или други морски плодови). Така полесно може да се идентификува намирницата што предизвикала алергиска реакција, доколку се појави.
Добрата вест е што повеќето деца ја „надраснуваат“ алергијата на јајца со текот на времето.
Придобивки од јајцата во исхраната на бебето
Јајцата се одличен избор за воведување цврста храна, бидејќи се богати со есенцијални хранливи материи важни за растот и развојот на бебето. Тие содржат протеини, селен, фосфор, рибофлавин, како и витамини А, Д и Б12. Покрај тоа, содржат и лутеин и зеаксантин – хранливи материи што го поддржуваат здравјето на видот.
Јајцата се важен извор на протеини и хранливи материи потребни за развој на вашето дете. За разлика од поранешните совети, денес нема потреба да се одложува воведувањето јајца поради страв од можна алергија или чувствителност на јајца
Важно е да се дава целото јајце – и жолчката и белката – затоа што тие содржат различни групи хранливи материи. Секое големо јајце содржи повеќе од 6 грама протеини. Исто така, јајцата се добар извор на омега-3 масни киселини, кои се важни за здравјето на срцето и се неопходни за развој на мозокот, на нервниот систем и на очите. Дополнително, јајцата се богати со холин – важен микронутриент кој ја поддржува функцијата на мозокот и нервниот систем.
Како и кога да се воведат јајцата во исхраната на бебето?
Јајцата може да се воведат во исхраната на бебето околу шестиот месец – отприлика кога се воведува и другата цврста храна. Сепак, на почетокот се препорачува многу мека и пасирана, кашеста храна, вклучително и кашички од интегрални житарки за доенчиња. По 2 до 3 месеци од почетокот на воведувањето на храна, менито на вашето бебе може да се прошири и да вклучува житарки, зеленчук, овошје, јајца, месо, како и продолжување на доењето или давање адаптирано млеко.
Кога првпат ќе му понудите јајце на вашето бебе, важно е да биде во мека, лесна за џвакање форма, за да се избегне ризик од гушење. Бебињата во таа возраст најчесто немаат или имаат многу малку заби, па храната ја гмечат со непцата. За првиот оброк со јајца, може да подготвите омлет, тврдо варено или поширано јајце, но секогаш целосно термички обработено. За полесна консумација, испасирајте го јајцето со виљушка пред да го послужите.
Важно е да се дава целото јајце – и жолчката и белката – затоа што тие содржат различни групи хранливи материи. Секое големо јајце содржи повеќе од 6 грама протеини. Исто така, јајцата се добар извор на омега-3 масни киселини, кои се важни за здравјето на срцето и се неопходни за развој на мозокот, на нервниот систем и на очите. Дополнително, јајцата се богати со холин – важен микронутриент кој ја поддржува функцијата на мозокот и нервниот систем
Јајцата се важен извор на протеини и хранливи материи потребни за развој на вашето дете. За разлика од поранешните совети, денес нема потреба да се одложува воведувањето јајца поради страв од можна алергија или чувствителност на јајца.
Новите истражувања покажуваат дека постепеното воведување на потенцијално алергени намирници, како што се јајцата, може да помогне во градење на толеранција кај децата. Секако, секогаш е важно да внимавате на евентуални знаци на алергиска реакција при воведување нови јадења во исхраната на вашето дете и да се консултирате со педијатар ако забележите какви било необични симптоми.
КОРИСНИ СОВЕТИ ЗА РОДИТЕЛИТЕ
- Започнете со мала количина
Понудете 1 кафена лажичка испасирано варено јајце. Ако не се појават алергиски реакции, постепено зголемувајте ја количината.
- Воведувајте јајца поединечно
Не комбинирајте ги со други потенцијално алергени намирници (како кикиритки, риба или млеко) при првото давање.
- Секогаш термички обработено
Јајцата мора да бидат целосно варени – без течна жолчка. Варено, поширано или омлет се одлични избори.
- Мешање со познати вкусови
За полесно прифаќање, измешајте јајце со пире од компир, тиква или мајчино/адаптирано млеко.
- Следете ја реакцијата на бебето
Набљудувајте го во следните 2–4 часа по оброкот. Симптоми како осип, мачнина, затнат нос или чешање можат да бидат знак за алергија.
- Избор на јајца
Користете свежи, по можност органски јајца од сигурен извор. Секогаш проверувајте го рокот.
- Консултирајте се со педијатар
Ако постои фамилијарна историја на алергии или ако бебето има егзема, посоветувајте се пред воведување јајца.
