Најчесто прашање кога се работи за зголемена телесна температура кај децата е: при која температура треба да се применат мерки за намалување, било да се работи за туширање со млака вода или давање сируп за температура?
Нормална температура мерена ректално е 37,5, а под пазуви до 37. Не се препорачуваат мерки за намалување на температура пониска од 38 степени, бидејќи тогаш слабо делуваат. Но, ако живата се искачи над 38 степени под пазуви, односно 38,5 ректално, секогаш е потребно намалување на температурата.
Дополнителни симптоми кои може да ја следат зголемената температура, зависно од причината, може да бидат потење, треска, главоболка, болки во мускулите, намален апетит, дехидрација, општа слабост. На висока температура особено се чувствителни децата на возраст од шест месеци до пет години, поради незрелост на средишниот нервен систем, па тие при зголемена температура може да изреагираат со фебрилни конвулзии, краткотрајно губење на свеста со грчење на телото.
Како да се измери температурата?
Мерењето на телесната температура кај децата се врши со дигитален, живин или инфрацрвен топломер. При тоа е важно да се знае дека температурата мерена во уво, ректално или орално е повисока за еден степен во споредба со температурата мерена под пазуви. Кај децата до една година се препорачува да се мери температурата ректално. Топломерот се држи додека расте живата, односно 2-3 минути. Вообичаен начин на мерење телесна температура кај деца постари од две години е со топломер под пазува. Потесниот крај на топломерот се става во средината на пазувата, и при тоа со надлактицата се продржува кон телото. Децата треба да го држат топломерот под пазувата 10 минути, оти поради движењата, често се помрднува и се добиваат погрешни резултати на мерење (најлести телесната температура е пониска од вистинската).
