Единствена разлика помеѓу праските и нектарините се “влакненцата“ кои се гледаат на кората од овошјето. Нектарината има тенденција да биде помала и поароматична од праската, а има и повеќе црвена боја на самата површина.
Зошто се добри за децата?
Праските содржат висок процент на витамини, особено А и Ц, а содржат и голема количина на растителни влакна. Имаат диуретско дејство, и се природни лаксативи.
Кога може да се воведат во исхраната на бебето?
Предлог на голем број на педијатри е бебето да почне да јаде праски помеѓу 4. и 6. месец. За оние кои почнуваат да воведуваат цврста храна на своите бебиња порано од препорачаното, праскире може да бидат првата храна која е лесна за варење.
Може да се мешаат со многу други намирници, како што се пилешко месо, банана, авокадо. Праските може да се варат во вода, на пареа или да се печат во рерна. Но, имајте предвид дека праските го губат своето хранливо дјество ако предолго се готват.
Најдобра опција е да се печат или подготвуваат на пареа. На бебето може да му подготвите кашичка само од праски, а може и да ги помешате со домашни житарки, јогурт, па дури и со месо, како пилешко.
