Јагодите се едни од најчестите алергени и најчесто педијатрите препорачуваат да не се додаваат во исхраната пред првиот роденден. Но, најновите насоки на Светската здравствена организација укажува дека освен кравјото млеко и медот, сите намирници кои можат да предизвикаат алергии треба порано да се воведат во исхраната.
Единствено во случај ско некој од членовите на семејството има алергија на оваа бобинка, неговото воведување во исхраната треба да се одложи, односно да се почека до првата година. Ако ова не е ситуација кај вас, тогаш на вашето дете дајте му јагоди на почетокот внимателно и во помали количини. Најдобро е да ставите малку од јаготката во каша со намирници кои детето веќе ги пробало, па ако нема реакција дајте четвртина, па половина и дури потоа цела јаготка. Идеално време за воведување нова храна е претпладне.
Како изгледа алергиската реакција на јагоди?
Ако се појави алергиска реакција на јагоди, ќе ја препознаете по следните симптоми:
- Реакција на кожата во вид на црвенило, осип и чешање на местото каде што плодот дошол во контакт со кожата, најчесто околу устата
- Очите може да почнат да се насолзуваат, како и да чешаат, а може да дојде до ненадејно кивање
- Дијареа, повраќање и анафилактичен шок претставуваат најтежок тип на реакција и се ретки.
Зошто јагодите се здрави за децата?
Богати се со витамин Ц – поради што може да се споредат со лимонот. Содржат и фолна киселина, витамини Б, како и провитамин на витамин А.
Интензивната црвена боја на јагодите го покажува богатството на ова овошје со растителни феноли кои имаат силни антиоксидантни својства, кои го штитат организмот од многу штетни материи и го олеснуваат нивното исфрлање од организмот. Благодарение на овие антиоксиданти, јагодите штитат и од рак. Јагодите содржат минерали како што се манган, железо, калциум и магнезиум – поради што се многу важен дел од исхраната, како за децата и бебињата, така и за возрасните.
