Во денешнио време можно е веќе од 11 недела од бременоста, со сигурност од 95-99 проценти да се открие полот на детето што го носи мајката. Главните причини главно се љубопитноста на родителите, но во ретки, но многу значајни случаи и поради медицински причини, поради генетски болести кои се исклучиво врзани за машкиот пол (хемофилија, невромускуларни болести….).
Уште од 1999 година се правени истражувања за рано ултразвучно откривање на полот, а со денешниот развој на изразено прецизната и напредна ултразвучна технологија, може уште во раната бременост да се видат детали од развивањето на плодот, објаснува д-р Петра Подобник Брлечиќ, специјалист гинеколог.
АГОЛ НА ПОЛОВИОТ ЈАЗОЛ (ГЕНИТАЛНА ТУБЕРКУЛА)
Најточна метода е користењето на агол на половиот јазол кој може ултразвучно да се прикаже уште во 11. Недела од бременоста. Самиот полов орган не е можно да се прикаже во така рана бременост, туку само половиот јазол (genital tubercule) кој е претходник на развојот на пенис или клиторис. Докажано е дека неговиот изглед е идентичен кај развојот на машки и женски полов орган, но различен е аголот, односно насочувањето на јазолот. Така, кај машко бебе аголот помеѓу половиот јазол и долниот дел од ‘рбетот е поголем од 30 степени (насочувањето е нагоре), додека кај женското бебе, аголот е помал од 30 степени (насочувањето на јазолот е паралелно со ‘рбетот).
Важно е, потенцира гинекологот, правилно да се прикаже аголот, бидејќи може да дојде до погрешна проценка. Секако, тоа зависи од искуството и волјата на лекарот, но и од квалитетот на апаратот што се користи при прегледот.
ДНК ТЕСТИРАЊЕ
Последниве неколку години, полот на бебето може да се открие веќе од 10. Недела од бременоста преку крв од мајката, со напредна технологија на анализа на фетална ДНК од крвта на бремената жена.
