![19](https://pedijatar.mk/wp-content/uploads/2024/05/19-1-696x364.jpg)
Доматот е вкусна и исклучително здрава намирница која е богата со витамини А и Ц, кои се причини зошто е добро децата да ги јадат, но треба да бидете внимателни кога ја воведувате оваа храна која технички е овошје, иако сите го сметаат за зеленчук.
Кога се воведува домат во бебешката исхрана
Педијатрите генерално препорачуваат доматот да се воведе во исхраната на бебето помеѓу 10-тиот и 12-тиот месец од животот. Причината поради која дотогаш де одложува давањето домат на бебето не е ризикот од алергија, туку киселоста која може да му пречи на бебешкиот недоволно развиен дигестивен тракт.
Киселоста на доматот може да ги „вознемири“ цревата, но и да предизвика осип околу устата и/или задникот. Она што го намалува ризикот од овој осип е обработката, односно готвењето на доматот, со цел да се намали киселоста.
Сепак, ако имате дилема или ако вашето бебе претходно имало реакции на некои намирници, најдобро е да се консултирате со вашиот педијатар за воведување на доматите во исхраната на детето.
Како да изберете и чувате домати
Секогаш е најдобро да се купи домат од органско производство и да се избере оној кој не е згмечен, удрен и нема знаци на скапување. Исто така, внимавајте да не е премногу тврд, а доколку се случи тоа, можете да го оставите да созрее неколку дена пред да му го понудите на бебето.
Се препорачува доматите да не ставаат во фрижидер додека не ги:
- Зготвите
- Исечкате и ставите во јадење како што е слата или сос
- Целосно не созрее
Исто така, не ги оставајте доматите на место изложено на директна сончева светлина, бидејќи тоа ќе го забрза зреењето.
Зрелиот домат може да издржи на собна температура два до три дена, а оној што сте го чувале во фрижидер, треба да го чувате на собна температура десет минути пред да го консумирате.
Најдобар начин за подготовка
Доматите може да ги сварите на пареа или да ги пропржите, а најчесто се препорачува кратко пржење на малку маслиново масло, а потоа пасирање. Можете да направите и сос од домати на традиционален начин.