Со текот на времето, вашите деца сè повеќе ќе почнат да ја потврдуваат својата независност. Еден од клучните начини на кои ќе го направат тоа е што ќе почнат да бараат поголема слобода во различни активности. Прашањето кое се наметнува и со кое родителите се борат сами со себе е на која возраст да им дозволат на своите деца да почнат сами да излегуваат, на пример, до продавница?
Што велат резултатите од анкетата?
Порталот „Made For Mums“ направил анкета со 1.427 родители, прашувајќи ги на која возраст би ги пуштиле децата да одат сами во локалните продавници, на оддалеченост од околу 15 минути од дома.
Најпопуларните одговори биле:
- Над 12 години (30%)
- 10 години (21%)
- 11 години (16%)
Со понатамошно истражување, многу родители рекле, разбирливо, дека одлуката ќе зависи од тоа колку е зрело нивното дете. Други рекле дека би им било полесно да одлучат ако продавницата е оддалечена на 5 минути пешачење или некаде каде што може да го видат детето како влегува од нивната влезна врата.
Неколкумина истакнале дека би биле посреќни и посмирени доколку нивното дете го направи тоа со браќата и сестрите или пријателите, а не целосно само.
Дополнителен важен фактор, како што многумина истакнале, е дали има фреквентна улица за поминување или нема. Или како што рекол еден од испитаниците: „Ќе зависи од патиштата – колку се фреквентни со возила, но на 11 години се веќе поблиску до средно училиште и треба да им се даде малку повеќе доверба и слобода“.
Имено, значителен број родители истакнале дека идејата да им се даде на своите деца малку повеќе слобода станува се посилна како што растат децата, а еден рекол: „Кога можат сами да одат на училиште, мислам дека треба да бидат во можност да застанат и до локалната продавница (која е блиску).“
Со понатамошно истражување, многу родители рекле дека одлуката ќе зависи од тоа колку е зрело нивното дете. Други рекле дека би им било полесно да одлучат ако продавницата е оддалечена на 5 минути пешачење или некаде каде што може да го видат детето како влегува од нивната влезна врата. Неколкумина истакнале дека би биле посреќни и посмирени доколку нивното дете го направи тоа со браќата и сестрите или пријателите, а не целосно само
Што велат стручњаците?
„Ова прашање води до размислување во заедницата“, вели образовниот психолог Наоми Бурџис.
„Помалите места, каде што сите се познаваат, имаат тенденција да создадат природно чувство на сигурност и за вас и за вашето семејство“, советува таа. „Значи, мојот совет би бил да започнете да го создавате тоа чувство каде и да сте.“
„Зошто да не одвоите време да одите во локалните продавници со вашите деца, да поразговарате со продавачите, да ги дознаете нивните имиња, да го запознаете вашето дете и да изградите поширока локална мрежа? На тој начин, кога ќе дојде време воопшто да почнете да размислувате за нивната независност, ќе знаете каде одат, кај кого одат, па дури можете да побарате од продавницата да ви испрати и дискретна порака кога ќе пристигнат.
Ова е одличен начин да се изгради независност на најбезбеден можен начин и родителите и детето да имаат чувство на припадност. И тоа е и одличен начин да научите да го сакате местото каде што живеете“, заклучува Бурџис.
