Нема дете кое не сака грицки меѓу оброците, кои неретко се нездрави намирници. Но, со оглед дека се што јадат децата, се покажува на нивната кожа, многумина од нив се соочуваат со проблем со акни на лицето.
Нутриционистот Мег Хагар советува кои намирници се добри во борба против овој проблем, а ги нарекува “грицки против акни“. Во нив се вбројуваат смокви, маслинки и сливи.
Токму овие намирници ја прават основата на медитеранскиот начин на исхрана кој директно допринесува за поубава и поздрава кожа. Хагар вели дека комбинацијата на овие намирници е многу важен фактор против акните. Прво, оти имаат низок гликемиски индекс, а богати се со влакна.
“Влакната се одлични оти држат ситост подолго време, а за лицата кои имаат проблем со акни, многу е важно да водат сметка за природниот процес на детоксификација на организмот. Влакната помагаат аа подвижноста на цревата, а за здрава и чиста кожа неопходно е секој ден да се изеде мала порција производи со квалитетни влакна“, истакнува Хагар.
Овие три намирници се богати и со антиоксиданти и полифеноли, кои имаат заштитна и противвоспалителна улога и ги лекуваат сите воспалнија, вклучувајќи ги и тие на кожата.
