Почетокот на воведувањето кашички во исхраната на бебето е нешто што многумина родители гии става на мака. Бебето кое до вчера пиело само млеко или кое сте го доеле, одеднаш треба да почне да јаде на лажица. Не е сеедно, но со тек на времето и вам и на бебето ќе ви биде полесно.
Меѓутоа, многу е важно да знаете кои намирници не треба да ги комбинирате во кашичките, бидејќи вашето бебе од нив нема да го добие тоа што му е потребно и ќе го оптовари стомачето.
Скробниот зеленчук, како што е компирот, не треба да се комбинира со житарки!
Млечните производи не треба да се комбинираат со оброк кој што содржи многу железо. На пример, никако не треба да се комбинира ручек од зеленчук со месо и јогурт или кисело млеко. Доколку се прашувате зошто не е добро да се додаде млечен производ, одговорот е дека тој ја попречува апсорпцијата на железото.
Јајца и месо. Оваа комбинација не е добра за детето во првата година од животот. Во деновите кога на детето му се дава месо во било кој оброк, треба да се избегнува јајце. Ротирајте и комбинирајте, а најдобро е детето во првата година, два пати недело да има јајце, еден вегански ден и останатите денови месо.
Јајца и маслиново масло. Иако сите советуваат маслиново масло да се додава во кашичките на бебето оти е многу хранливо, здраво и помага при варењето, маслиновото масло сепак не е добро да се меша со јајца.
Авокадо и јајце. Иако сите велат дека ова е идеална комбинација за возрасните, за децата ова не е добра комбинација!
Исто така, авокадо и месо не се комбинираат во ист оброк, како ни риба. Доколку сте љубител на авокадо, за малите деца, одлична е комбинацијата со банана.
