Редовните гинеколошки прегледи се задолжителни и по бременоста. Всушност, овие прегледи и најмногу ќе ги цените, оти сигурно имате многу прашања за вашиот гинеколог. По породувањето, ќе забележите бројни промени на телото и поради тоа е добро да можете да се потпрете на вашиот лекар како би ви го олеснил овој период.
Психичкото и физичкото здравје по породувањето е многу важно, оти сте му потребни на вашето бебе во полна сила.
Прегледите се прават четири до шест недели по породувањето. Прегледите ги прави гинеколог и педијатар, за да се уверат дека се е во ред со вас, како и да увидат дали сте се навикнале на животот со бебе.
Што се однесува до физичкиот преглед, тој се состои од преглед на телото и можноста за постоење на постпородилни болки. Потоа се проверува раната и зараснувањето, како и тоа дали постои евентуална инфекција. Исто така, се прави и ПАП-тест.
Што се однесува до можни проблеми и тегоби по породувањето, постои шанса да се појават, но тоа не треба да ве плаши. Сите појави се нормален процес на опоравување на телотоо кое минало низ голема промена.
Хемороидите се една од најчестите тегоби по породувањето и може да бидат многу болни и непријатни. Постојат разни креми и лекови кои може да ја ублажат болката и непријатноста, но имајте предвид дека е само привремено решение. За да се ослободите од хемороидите на долги патеки, потребно е да го промените начинот на живот. Исхраната богата со влакна, како и внесот на вода може да помогнат во ослободувањето од оваа појава.
