Губењето на слухот може да биде делумно (детето не може да слушне одредени звуци) или може да биде целосно. Може да биде привремено или трајно, а може да биде предизвикано од бројни фактори. Оштетувањето на слухот, особено на млада возраст, може негативно да се одрази на личниот развој на детето. Поради тоа е уште поважно да се препознае можното губење на слухот и што е можно побрзо и да се преземат потребните чекори.
Кои се видовите и причините за губење на слухот?
Губење на слухот (оштетување) значи дека детето го изгубило слухот на едното или двете уши. Постојат многу видови и степени на губење на слухот, а се опишуваат според тоа колку слухот е изгубен и кој дел од увото е зафатен. Губењето се опишува како благ, умерен, умерен до тежок и тежок. Постојат два главни вида на оштетување на слухот: кондуктивно и сензорневрално. Кога се присутни и давата вида, тоа се нарекува мешовито губење на слухот.
Кондуктивното губење на слухот се појавува кога нешто ги попречува звучните бранови кои патуваат нив надворешниот и средишниот дел на увото до внатрешното уво. Може да биде предизвикано од запушување со восок, инфекција на средното уво, собирање на течност во средното уво или оштетување на ситните коски во средното уво. Кондуктивното губење на слухот може да биде привремено или трајно.
Сензоневралното губење на слухот е предизвикано од проблем во внатрешниот дел од увото или нервот што го носи звукот – слушен нерв. Може да биде предизвикан од ненормален развој на внатрешното уво, физичка повредна на внатрешното уво, оштетување на увото од болести како менингитис и рубеола или тумор. Оваа форма на губење на слухот вообичаено е трајна.
Понекогаш проблемот со внатрешното уво предизвикува и проблеми со рамнотежата. Децата со проблеми со слухот и рамнотежата може да имаат задоцнет развој на моторните вештини.
КОИ СЕ ЗНАЦИ НА ГУБЕЊЕ НА СЛУХОТ?
Работи на кои треба да се обрне внимание бидејќи може да бидат знаци за можно губење на слухот се:
- Четиримесечно дете не реагира на гласни звуци или не се врти кон изворот на звук
- Детето ве забележува дури кога ќе ве види
- Детето не испушта други звуци освен грглање и други вибрирачки звуци што може да ги почувствува
- Развојот на говорот е одложен
- Дете на возраст од околу 14 месеци не реагира на неговото име и не изговара едноставни зборови
- Дете од околу 24 месеци не може да следи едноставни упатства
- Детето слуша само некои звуци
- Детето има потешкотии да ја држи главата мирно или бавно самостојно седи или оди.
