Биполарното пореметување кај децата и тинејџерите значајно се разликува од тоа кај возрасните. Според Клиниката Кливленд, возрасните со биполарно растројство често имаат поизразени епизоди на манија или депресија кои траат една недела или подолго. Кај децата и тинејџерите, овие фази може да бидат посуптилни, а промените од една епизода во друга може да се случат побрзо. На пример, детето може да покаже периоди на неизмерна среќа, изливи на гнев и неиспровоцирано плачење во еден ден, објаснуваат психолозите.
Биполарното растројство се разликува од типичните промени во расположението и подеми и падови низ кои поминува секое дете. Промените на расположението кај биполарното растројство се поекстремни, често неиспровоцирани, а вклучуваат:
- промени во обрасците на спиење
- промени во нивото на енергија
- проблеми со концентрацијата и способноста за јасно размислување.
Исто така, симптомите на биполарно растројство може да му отежнат на детето да успее на училиште или да се сложува со пријателите и членовите на семејството. Некои деца и тинејџери со биполарно растројство може да се обидат да си наштетат или да се обидат да извршат самоубиство, поради што е неопходно навреме да се препознаат симптомите.
