Кои се симптомите на недостаток и дневните потреби на детето од железо?

Најчести симптоми на недостаток на железо се замор, поспаност и покрај доволно часови одмор, општа слабост, бледа кожа, краток здив, вртоглавица, чувство на трнење во нозете, студени дланки и табани, неправилна работа на срцето, кршливи нокти, опаѓање и лош квалитет на косата. Доколку забележите некои од овие симптоми кај вашето дете потребно е веднаш да направите комплетна крвна слика, каде ќе се види нивото на хемоглобин (црвени крвни зрнца), но и содржината на железото, ТИБЦ и феритин во серумот.

Колку железо дневно треба да внесе детето?

Дневните препораки варираат во зависност од возраста, полот, но и во текот на различни физиолошки состојби како што се спортски активности, бременост и лактација. На децата им е потребно железо во процесот на раст и развој. Кога девојчињата ќе влезат во пубертет, нивните потреби стануваат поголеми од потребите на момчињата на иста возраст, за да ја надоместат количината што ја губат при менструалниот циклус.

Жените имаат поголема потреба од мажите до менопаузата, а посебно таа потреба се зголемува за време на бременоста. За време на доењето, потребите се помали. Иако млекото од мајката нема значајна количина на железо, тоа многу добро се апсорбира за разлика од железото кое се наоѓа во млечните формули.