Детето се жали доцна навечер, се буди во сред ноќ, и вели дека има болки во нозете, виење на мускулите. Нема место за паника, но тоа се типични симптоми за болки на раст кај децата. Вообичаено болките на раст се јавуваат во мускулите на двете нозе и тоа кога детето е во предучилишна и во периодот пред пубертетот, или пред тинејџерскиот период.
Обично почнуваат уште во раното детство околу 3.и 4. година. Подоцна се јавуваат помеѓу 8 и 12 години.
СИМПТОМИ
- Овие болки најчесто се јавуваат во вечерните часови и навечер и многу често може да бидат предизвикани од зголемена физичка активност.
- Се разликуваат од дете до дете. Некои деца имаат силни болки, некои не. Повеќето и не ги чувствуваат во текот на денот.
- Може да се јават и едноставно да престанат. Некои ги чувствуваат со месеци, некои дури и со години.
Во суштина, болките на раст се јавуваат во пределот на двете нозе, особено во предниот дел на бутовите, задниот дел на ногата или во јамата на потколеницата.
Доколку детето се чувствува добро наутро, не донесувајте заклучоци дека глуми. Тие болки многу често исчезнуваат наутро.
