Воспоставено е општо мислење дека детската храна не треба да содржи зачини. Да, тоа се однесува на солта и шеќерот, но зачини од билки може да се додадат во детската исхрана веќе од деветиот месец.
Секако, важно е да се додаваат постепено, на ист начин како и со воведувањето на нови намирници во исхраната и во мали количини.
Во кашите, според американските педијатри, слободно можете да додадете босилек, магдонос, оригано, нане, цимет, рузмарин, ѓумбир и ким.
Зачините воведувајте ги на две недели, еден по еден, како би можеле да видите како вашето бебе ќе реагира на секој од нив. Дури кога ќе бидете сигурни дека не постојат алергиски реакции, внесете нов зачин.
