![1](https://pedijatar.mk/wp-content/uploads/2024/06/1-1-696x365.jpeg)
Помал пад на тежината е очекуван кај новороденчињата во првите пет до седум дена, а и подоцна треба да се земе предвид дека секое дете има различни потреби и напредува со свое темпо.
Но, доколку забележите дека бебето долго време не добива на тежина, а е здраво и нема специфични дигестивни или срцеви проблеми, можно е да не внесува доволно квалитетни масти. Овие намирници се извор на здрави масти и треба да бидат во чинијата на бебето кога ќе почне со дохрана.
Маслиново масло
Можете да вклучите маслиново масло во исхраната на вашето дете на неколку начини. Додадете го во густи супи или пире од зеленчук. Прелијте го врз варена риба, месо или зеленчук што детето го јаде, било во форма на кашичка или на парчиња. Научете го вашето дете да потопува парче леб во маслиново масло, оваа активност е доста забавна за децата.
Хумус
Хумусот е намаз од наут, лесно се подготвува, а може да се набави во разни продавници. Наутот е богат со протеини и влакна, а со маслиновото масло кое е дел од рецептот, овој намаз е одличен за зголемување на калориската вредност на јадењето. Можете да го измешате во кашичката на вашето дете или да го послужите како сос со зеленчук.
Круша
Крушите, како и бананите, имаат повеќе калории од другите овошја. Можете да му ги послужите на вашето дете на парчиња, извалкани во бадемово или кокосово брашно, со нив да сервирате грчки јогурт за детето да ги потопува или да направите кашичка која потоа можете да ја измешате и во палачинки.
Јогурт
Јогуртот, кефирот, грчкиот јогурт, киселото млеко се ферментирани млечни производи кои повеќето деца одлично ги прифаќаат, а можете да ги користите како самостојни оброци и при подготовка на разни слатки и солени јадења. Не купувајте овошни јогурти за деца затоа што се полни со шеќер, туку направете домашна верзија на овошен јогурт од сезонско овошје.
Млеко
До првата година на детето не се препорачува животинско млеко, туку само ферментирани варијанти како јогурт, кефир или павлака. По првата година, бебињата можат да пијат полномасно животинско млеко. Со него можете да направите каша или гриз, а можете да го послужите и топло со малку цимет.
Авокадо
Неговата кремаста конзистентност и благиот вкус го прават идеален за исхрана на бебиња кои штотуку се навикнуваат на нови вкусови и текстури. Авокадото може да се користи како намаз за леб, поздрави верзии на пудинг или едноставно да се исече на парчиња, да се прелие со маслиново масло и да се послужи на бебето.
Банани
Бананите имаат значително повеќе калории од другите овошја, а се богати со калиум и влакна. Децата обично сакаат да јадат банани бидејќи се меки и слатки, а можете да ги послужите на парчиња или каша, да ги измешате во утрински каши или да направите палачинки од нив.