Појадокот што вклучува храна богата со протеини како што се јајцата е добар појадок за раст и развој на децата. Протеините се материи неопходни за коските и ‘рскавицата и припаѓаат во една од три групи намирници кои даваат енергија, покрај мастите и јаглехидратите.
Долго се верувало дека најдобар појдаок за децата се житарките или леб со намаз, но професори и лекари од Универзитетот во Масечусетс и Емори Универзитетот заклучиле дека појадокот богат со протеини подолго го држи детското стомаче полно и придонесува да помала количина на храна е потребна за ручекот. Забележан е и внес на помал број калории во текот на попладневните оброци, иако овој ефект не е присутен во текот на целиот ден.
Идеален појадок за деца од сите возрасти е омлет, тост од леб од интегрални житарки, 2-3 парчиња сезонско овошје и чаша кисело млеко или јогурт.
Овој вид појадок го намалува внесот на енергија за ручек до 70 калории, што е еквивалентно на една помал чоколаден колач. Ова намалување на внесот на калории за ручек не е забележано кога децата појадувале житни култури или сендвич. Иако овој број од 70 калории не звучи како голем број, треба да се земе предвид дека на просечно осумгодишно или десетгодишно дете му требаат од 1.600 до 1.800 калории во дневниот внес на храна, а вредноста од 70 калории претставува околу 4% од дневните енергетски потреби на детето.
Ако вредноста препорачана за деца како дневен внес постојано се надминува, со текот на време може да дојде до појава на дебелина и дијабетес.
Секако, ова истражување покажува дека децата треба да го заменат појадокот со протеински оброк, да ја намалат количината на јаглехидрати во текот на денот, а да ја зголемат количината на протеини и маснотии. Со повеќе свежо овошје и зеленчук, јајца за појадок и многу месо, до половина литар млечни производи на ден, а со намалување на количината на брзи јаглехидрати од тесто и слатки, им помагаме на децата да останат сити, расположени, со повеќе енергија и поздраво низ иднината. Јајцата се одличен избор за појадок во просек околу 4 пати неделно.
