Нежното родителство е метод на воспитување што се потпира на емпатија, разбирање и почит. Во својата нова книга „5-те принципи на родителството“, психологот Ализа Пресман опишува како родителите можат да воспитаат отпорни деца.
Еден од клучните чекори е саморегулацијата, или способноста да се одговори на искуствата на начин кој е општествено прифатлив. Оваа вештина е дел од негувањето на нежното родителство. Но, психологот напоменува дека родителите понекогаш погрешно ја пренесуваат оваа вештина на своите деца.
„Примарниот начин на кој доенчињата и децата учат саморегулација е преку корегулација, која вклучува различни видови одговори, како што се присуство, смирувачки тон на гласот и моделирање на процесот на смирување од страна на родителите“, вели Пресман.
Наместо да ги криеме нашите чувства, треба да зборуваме за нив
„Со споделување на нашето чувство на смиреност со децата, полека ги учиме како сами да ги регулираат своите емоции“, објаснува психологот.
Но, некои родители погрешно ја заменуваат корегулацијата за глумење среќа, тврди Пресман, бидејќи веруваат дека децата не можат да се справат да го видат својот родител вознемирен или фрустриран. Сепак, ова може да ја поништи целта на корегулацијата, која има за цел да им покаже на децата дека дури и кога доживуваме тешки емоции, можеме да останеме смирени. Затоа, наместо да ги криеме чувствата од децата, треба да зборуваме за нив.
„Можете да се обидете да кажете: „Моментално сум толку изнаервиран што ми е предизвик да се фокусирам на она што го правам. Дозволи ми да земам длабок здив и да се обидам да се смирам“, советува Пресман.
Меѓутоа, тоа не значи дека секоја наша мисла треба да ја споделуваме со нашите деца.
„Клучно е да бидете свесни за сопствените чувства и искуства, но да не ги пренесувате на вашите деца“, заклучува психологот.
