Луѓето кои веќе имаат едно или повеќе деца честопати се прашуваат кога е вистинското време за уште едно дет, односно која е најдобрата разлика во години меѓу децата. Не постои универзален одговор бидејќи дали е време за друго бебе зависи првенствено од вас, вашите можности, желби и бројни околности.
Сепак, експертот за развој на деца, но и мајка, Кејтлин Килмер, на социјалните мрежи открила која според неа е идеалната разлика во годините меѓу децата, додавајќи дека тоа „секогаш би го избрала“.
Килмпер објаснила дека за идеална разлика ја смета разликата од четири години помеѓу децата и за тоа има причина. Имено, нејзиното мислење е дека две деца под две години се премногу стрес за родителите кои работат.
„Мислам дека четиригодишната разлика е идеална и јас би ја избрала секогаш“, рекла таа, додавајќи дека токму таа разлика била меѓу нејзините малечки, иако не го планирала така, бидејќи имала три спонтани абортуси пред да го роди второто дете.
Додека ги одгледувала своите деца, сфатила дека оваа разлика од четири години е одлична бидејќи не е преголема, па затоа тие сè уште можат да си играат и да го доживуваат детството заедно, но не е толку мала за да биде под постојан стрес поради тоа.
