Во бурата емоции мајките не се сигурни дали се само ненаспани и уморни или е во прашање нешто посериозно. Психолозите објаснуваат која е разликата помеѓу постпородилната тага и депресијата.
Според резултатите од едно истражување, речиси 70% од мајките патат од постпородилна тага или веќе познатиот “бејби блуз“. Во тој период чувствуваат тага, плачливи се и склони кон промени на расположението.
“Постои одреден притисок во општетството дека жените по породувањето мораат да бидат среќни, така што тие поради вина и срам не зборуваат за тоа како навистина се чувствуваат“, потеницраат психолозите.
Тие велат дека тој период е особено стресен за жените кои за прв пат станале мајки. Трауматично породување, проблеми со доењето, ненаспиеност, сето тоа може да влијае на промени на расположението.
Кај постпородилната тага, жената има постојано потреба да плаче и се чувствува ранливо, а симптомите траат околу две недели по породувањето. Промените на расположението се чести, па се јавува депресивност и раздразливост, но и анксиозност.
Симптомите на постпородилната депресија се многу посериозни и посилни. Постпородилната депресија трае многу подолго од дне недели. Вообичаено мајките се депресивни, раздразливи, се чувствуваат безвредно, не се заинтересирани за бебето, немаат концентрација, размислуваат за повредување на бебето или себе, или пак премногу се грижат за бебето и воопшто не можат да спијат. Постпородилната депресија обично се јавува во првите два-три месеци по породувањето и може да се појави во било кој момент.
