Која крвна група е моето бебе

Навидум комплицираното прашање “како се наследува крвната група“ во суштина има многу едноставен одговор.

Од што зависи крвната група?

Како и сите останати особини, и крвната група ја одредува генетскиот материјал што сме го наследиле, и тоа целокупниот, односно генотипот. Генотипот го прават сите 46 хромозоми или попрецизно 23 пара хромозоми, од кои половина наследени од мајката, а другата половина од таткото. На хромозомите се наоѓаат многу гени, кои не се ништо друго, туку записи кои ги одредуваат нашите карактеристики. По еден запис, на „иста тема“, постои и на хромозомот наследен од мама, и на неговиот пар кој потекнува од тато. Некои особини се наследуваат, така што посилниот запис “победува“, и тоа е т.н. доминантно наследување, другите се збир на сите записи…

На основа на гените, нашите клетки создаваат соединување на различни структури, кои се гледаат на површината на нашите клетки. Тоа се антигени. Крвната грпа е одредена со присуството на наследените антигени на површината на еритроцитите (црвени крвни зрнца). Антигените кои ја одредуваат крвната група може да бидат протеин, јаглехидрат, гликолипиди, гликопротеини, и присутни се и во другите ткива. Денес постојат 30 признати крвно групни системи, од кои најмногу се користат ABO и Rh.