Психолозите предупредуваат дека вообичаената фраза од три збора што ја користат многу родители, треба да ја избегнуваат. Како што објаснуваат, многумина од нас барем еднаш му кажале на своето дете „Одам без тебе“ кога тоа не сакало да го напушти паркот, продавницата или игралиштето. Иако тоа е фраза што ја користат многу родители, кажувањето на оваа фраза на вашето дете всушност прави повеќе штета отколку корист.
Психолозите нагласуваат дека тоа може да биде многу штетно. Како што сите знаеме, напуштањето на паркот или кое било забавно место може да биде многу вознемирувачко за малите деца. Затоа, кога му велиме на детето „Одам без тебе“, всушност му порачуваме дека неговите чувства за останување воопшто не се важни, што може да биде многу страшно.
Кај детето ваквата изјава исклучиво буди само страв, а не го учи на послушност, ниту дава позитивни резултати што би му олесниле следниот пат да замине од место без стрес. Тие објаснуваат дека на детето треба да му се покаже разбирање и сочувство наместо да го плашиме дека ќе заминеме без него.
Користењето на фрази како „тешко е да заминеш кога се забавуваш“ по што следи „време е да си одиме дома“ е многу подобра опција, нагласуваат психолозите. На овој начин ќе му покажеме на детето дека разбираме зошто не сака да си оди дома, но патем ќе му поставиме и одредени граници што треба да ги почитува.
