Со оглед дека родителите играат неверојатно голема улога во развојот на детето, сосема е разбирливо дека одредени грешки што ги прават можат да предизвикаат одредена штета на нивното малечко. За да го спречи ова, психијатарот Мајмуна Јусуф Кадири за порталот Mum Junction реши да сподели една грешка за која смета дека е најштетна за развојот на детето.
Таа вели дека во повеќето случаи родителите тоа го прават сосема несвесно, а станува збор за изговарање навреди и пцовки во присуство на детето или во комуникацијата со него. Како што објаснува психијатарката, детето често ги имитира своите родители, а она што го слуша или гледа од нив го толкува како нешто што е правилно.
„Брачните двојки честопати можат да покажат непочитување еден кон друг или кон другите со употреба на груб јазик пред нивните деца. Исто така, често знаат да пцујат и пред децата, а децата на тој начин можат да научат и сами да пцујат само со имитирање на родителите“, предупредува психијатарката.
Оваа навика има негативно влијание врз развојот на детето, а во повеќето случаи последиците се видливи дури години подоцна кога детето ќе влезе во пубертет или ќе порасне. Во повеќето случаи има забележливи проблеми во одржувањето на здрави партнерски односи, а луѓето кои пораснале со родители склони кон навреди или пцовки и самите вака ќе се однесуваат во зрелоста, тврди психологот.
