Иако вакцините против коронавирус го минимизираат ризикот од инфекција, сепак, податоците покажуваат дека вакви случаи се можни, потенцирајќи ја неопходноста од понатамошно придржување кон пропишаните епидемиолошки мерки кои вклучуваат носење маска и одржување на физичка дистанца.
Д-р Франческа Џ. Торијани, специјалист за инфективни болести на UCSD, која ја водеше калифорниската студија, напоменува дека иако овие вести се охрабрувачки, луѓето сепак треба да бидат претпазливи. Таа ги повика граѓаните да носат маски и по вакцинирањето за да се заштитат од вирусот
Истражувачите од Универзитетот во Калифорнија, Сан Диего (UCSD), Лос Анџелес (UCLA) и Југозападниот медицинскиот центар од Универзитетот во Тексас (UTSMC) ги анализирале податоците од здравствените досиеја на вакцинираните здравствени работници за да утврдат колкумина од нив се заразиле со коронавирус по вакцинирањето.
UCSD и UCLA откриле дека само седум од 28.184 лица се заразиле со коронавирус по комплетната вакцинација (две недели по втората доза). Податоците кои ги собрале истражувачите од UTSMC откриле дека само четири од вкупно 8.121 комплетно вакцинирани здравствени работници се заразиле со коронавирус.
Врз основа на резултатите по тестирањето на вакцините, научниците веќе знаеја дека постои можност вакцинирани лица да се заразат со коронавирус, но овие сетови на податоци покажаа до кој степен се случува тоа.
Во обете студии се покажало дека некои работници биле позитивни на Ковид-19 пред да ја примат втората доза на вакцината или во деновите веднаш по втората доза. Истражувачите од UCSD-UCLA наведуваат дека овие резултати се охрабрувачки и дека ја покажуваат ефикасноста на вакцините надвор од клиничките испитувања.
Д-р Франческа Џ. Торијани, специјалист за инфективни болести на UCSD, која ја водеше калифорниската студија, напоменува дека иако овие вести се охрабрувачки, луѓето сепак треба да бидат претпазливи. Таа ги повика граѓаните да носат маски и по вакцинирањето за да се заштитат од вирусот, пренесува „Popular Science“.
