Колку често детето треба да се капе, зависи од возраста и активноста на самото дете. Овие насоки на дерматолозите може да ви помогнат да сфатите колку често дете од шест години или постаро треба да се капе.
ДЕЦА ОД 6 ДО 11 ГОДИНИ
Децата во оваа старосна група препорачливо е да се тушираат секојдневно. Но, можеби не е потребно да детето на оваа возраст секој ден ја мие и косата. Децата од 6 до 11 години треба да ја мијат косата најмалку два пати во неделата. Кога ќе се извалкаат или обилно ќе се испотат, откако биле во базен, езеро или воден простор. Доколку децата имаат некој кожен проблем, потребно е да се капат и тушираат по упатство на дерматолог.
ТИНЕЈЏЕРСКИ ПЕРИОД
Повеќето деца сакаат да се капат секојдневно кога ќе дојдат во пубертет, но и нешто порано. Дерматолозите ги советуваат родителите кога ќе почне пубертетот децата да се тушираат секој ден и да се мијат лице најмалку два пати во денот, за да ги отсранат маснотиите или нечистотијата од тој дел од телото. Треба да се капат или тушираат по .пливање, или некој друг спорт или ако во пубертетот интенизвно се потат.
