И лицата кај кои симптомите никогаш не се развиваат можат да го шират вирусот. Тоа претставува дополнителен проблем затоа што многумина не сакаат да се тестираат се додека не покажат симптоми или додека не дојдат во контакт со заразено лице
Студиите покажаа дека луѓето можат да бидат заразни отприлика два дена пред да се развијат симптомите на COVID-19.
„Всушност, непосредно пред да се појават симптомите, луѓето се веројатно и најзаразни“, изјави д-р Вернер Бишоф, специјалист за заразни болести на Универзитетот „Вејк Форест“.
И лицата кај кои симптомите никогаш не се развиваат можат да го шират вирусот. Тоа претставува дополнителен проблем затоа што многумина не сакаат да се тестираат се додека не покажат симптоми или додека не дојдат во контакт со заразено лице.
Но, едно прашање дополнително ги комплицира работите: ако нечиј тест на COVID-19 е негативен, може ли тој и понатаму да биде заразен?
Во тој случај, се уште постои можност лицето да е заразно.
„Негативен тест во рок од помалку од седум дена по изложеност на вирусот е многу лош показател за тоа дали го имате вирусот“, истакна д-р Алан Велс од Медицинскиот центар на Универзитетот во Питсбург.
Тој додава и дека некои тестови се помалку прецизни од другите и дека мора да се земе предвид и периодот на инкубација. Негативен тест помеѓу 7 и 10 дена на изложеност е подобар показател, објаснува тој, но порача дека некои луѓе ни тогаш можеби нема да бидат позитивни туку дури подоцна.
„Затоа, доколку сте биле изложени, треба да носите маска и треба да бидете во самоизолација доколку постои сомневање“, порачува Велс, а пренесува „ABC News“.
