Бебешките лулашки понекогаш се вистински спас за родителите, бидејќи им помагаат на мајките и татковците да го смират детето, но и малку да ги „одморат рацете“. Но, пред да почнете да ги користите, еве што треба да знаете.
Нишалките може да се користат од раѓање, но само по услов да поддржуваат правилна положба на телото на бебето. Секако, подобро е да почекате неколку недели, додека телото на бебето малку не се зајакне, пред да го ставите во лулашка.
Најдобро е да не користите нишалки по петтиот, шестиот месец, бидејќи движењата на бебето ќе станат поенергични, па постои ризик од превртување. Освен тоа, децата на таа возраст веќе се пољубопитни, поподвижни, а лежењето во лулашка им оневозможува да ја истражуваат околината.
Совети за користење на нишалка
Кога купувате нишалка, водете сметка да е безбедна и користете ја во согласност со упатствата напишани на пакувањето на производот.
Внимавајте лулашката да биде направена така да одговара на правилната положба на телото на бебето, односно да поддржува правилна положба на грбот и вратот.
Секогаш држете ја лулашката на под, никогаш на маса или кревет, бидејќи движењата на бебето може да предизвикаат нишалката да се преврти, зголемувајќи го ризикот од повреда.
Секако, никогаш не оставајте дете во нишалка без надзор.
Внимавајте колку долго бебето е во лулашка – според советите на Светската здравствена организација, децата не треба да поминуваат повеќе од еден час во лулашки бидејќи, колку и да се добро направени, тоа не е баш најдобрата положба за бебето.
Имајте на ум дека нема да остави последици по детето ако повремено го ставате во лулашка, но користете го овој предмет одговорно – не премногу долго, на под и не го оставајте детето во неа да спие.
