Некои бебиња од самиот почеток прифаќаат цуцла и особено се врзуваат за неа. Меѓутоа, повеќето нови родители се прашуваат дали спиењето со цуцла е безбедно за бебето или дали треба да се извади кога ќе заспие.
Не грижете се, совршено е безбедно бебињата да спијат со цуцлите. Спиењето со цуцла всушност го намалува ризикот од синдром на ненадејна смрт на доенчиња (SIDS).
Цуцлите за бебињата се голема утеха, средство за смирување пред спиење, но сепак постојат неколку безбедносни совети кои треба да ги запомните ако вашето бебе користи цуцла за време на спиењето:
- Никогаш не ја врзувајте или закачувајте цуцлата за облеката или постелнината на бебето.
- Изберете цуцла со отвори за воздух во штитникот (делот што лежи на устата на вашето бебе).
- Следете ја големината на цуцлата и растот на детето. Секогаш набавувајте ги оние цуцли кои не можат да се цели да застанат во устата на бебето.
- Редовно менувајте ги цуцлите бидејќи тие се оштетуваат со текот на времето. Некои производители ставаат и рок на траење на цуцлите, па доколку постои, испочитувајте го рокот. Ако нема рок на траење, а гумата или силиконот ја промениле бојата или се оштетени, со пукнатини, фрлете ја цуцлата.
