За време на бременоста, исклучително е важно да се јаде здраво и балансирано, за бебето правилно да се развива и да ги добие сите потребни хранливи состојки. Во бременоста, не треба да се јаде за адвајца, туку просечно е потребно 200 до 300 калории дневно повеќе.
Количината и позицијата на телесните залихи на масти може да влијае на создавање на други репродиктивни хормони и на тој начин да се зголеми ризикот од неплодност и спонтан абортус. Потхранетоста ја намалува плодноста, оти намалениот удел на телесно масно ткиво може да влијае на овулацијата.
Жените со преголема телесна тежина (БМИ над 25), треба да добијат од 5 до максимално 10 килограми, потхранетите жени (БМИ под 18,5), може да добијат од 13 до 18 килограми, додека жените со просечна телесна тежина (БМИ 18,5 до 25), треба да добијат од 8 до 15 килограми.
Вообичаено е добивање од еден до два килограми во текот на првите три месеци од бременоста, а потоа до половина килограм секоја недела.
Во случај мајката да очекува близнаци, добивањето на телесна тежина треба да биде малку поголемо, во просек од 15 до 20 килограми во текот на целата бременост.
