Нова варијанта на Ковид-19, неофицијално наречена „делтакрон“ бидејќи е комбинација од варијантите делта и омикрон е откриена кај мал број случаи во Франција, Холандија и Данска, објави Светската здравствена организација.
Бидејќи има малку случаи, научниците не знаат многу за варијантата, како на пример, колку лесно се шири и дали предизвикува тешка болест.
„Фактот што нема многу случаи, што дури и двата случаи што ги видовме беа различни, сугерира дека веројатно нема да се издигне до варијанта на ниво на загриженост“, изјави д-р Вилијам Ли, главен директор за наука во „Хеликс“
„Не видовме никаква промена во епидемиологијата со оваа рекомбинација. Не видовме никаква промена во сериозноста. Но, има многу студии кои се во тек“, рече д-р Марија Ван Керхове од Светската здравствена организација, на прес-конференција.
Научниците на СЗО истакнаа дека варијантата најверојатно ќе се прошири.
„За жал, очекуваме да видиме рекомбинанти бидејќи тоа го прават вирусите, тие се менуваат со текот на времето“, рече Ван Керхове. „Гледаме многу интензивно ниво на циркулација. Гледаме дека овој вирус ги инфицира животните, со можност повторно да ги зарази луѓето. Значи, повторно, пандемијата е далеку од завршена.“
Научниците наскоро ќе објават труд во кој се вели дека случаи на делтакрон се пронајдени во САД, според USA Today, кој вели дека веќе го прегледал трудот што треба да биде објавен на веб-страницата medRxiv.
Научниците од „Хеликс“, лабораторија со седиште во Калифорнија, открија две инфекции кои вклучуваат различни варијанти на делтакрон, откако секвенционирале повеќе од 29.000 позитивни примероци на Ковид, собрани во САД од 22 ноември 2021 година до 13 февруари 2022 година, пишува весникот.
Лабораторијата исто така открила и 20 други инфекции кои ги имале и двете варијанти делта и омикрон, објави USA Today, при што еден случај имал делта, омикрон и делтакрон.
Научниците сè уште не го користат името делтакрон, а СЗО не ја класифицираше како „варијанта на загриженост“ бидејќи има малку случаи. Варијантите на загриженост се идентификуваат со грчко писмо, како делта или омикрон.
„Фактот што нема многу случаи, што дури и двата случаи што ги видовме беа различни, сугерира дека веројатно нема да се издигне до варијанта на ниво на загриженост“, изјави д-р Вилијам Ли, главен директор за наука во „Хеликс“.
„Варијанта е ако предизвикува голем број случаи“, рече д-р Вилијам Ханаџ, епидемиолог од Харвард Т.Х. Чан школата за јавно здравје. „Значи, не, ако не предизвикува многу случаи, луѓето не треба да бидат загрижени“. (WebMD)
