Неодамнешно истражување објавено во списанието British Medical Journal покажува дека 78 проценти од лицата со КОВИД-19 имаат благи или никакви симптоми. Тоа се асимптоматски случаи, кои лекарите често ги спомнуваат.
Тоа се поклопува со наодите на истражувањето спроведно во едно село во Италија во епицентарот на епидемијата, кои покажуваат дека 50-75 отсто од заразените биле асимптоматски, но претставувале “страшен“ извор на инфекција.
Уште едно истражување од почетокот на овој месец на Исланд, покажало дека околу половина од позитивните пациенти на SARS-CoV-2 немале никакви тегови.
Светската здравствена организација на основа на преглед на податоци од 56.000 пациенти со КОВИД-19 соопшти дека:
- Шест проценти од заболените завршило во критична состојба – им откажале белите дробови и други органи, паднале во септичен шок и се нашле под ризик од смртен исход.
- Околу 14 проценти од пациентите развиле тешки симптоми – проблеми со дишењето и губење на воздух
- Околу 80 проценти имаат поблаги симптоми – температура, кашлица и дел од нив и воспаление на белите дробови.
