Сите родители се прашуваат колку детето треба да јаде и дали изело доволно. Колку детето јаде, зависи од тоа колку му давате. Ако на детето му сервирате поголеми проции – повеќе ќе изеде. Доколку го оставите детето само да се послужи, тоа ќе тежнее да земе онолку колку му одговара на неговата возраст и големина.
Кога на детето му сервирате дупла количина на храна во однос на соодветната количина за неговата возраст, тоа ќе изеде 25% повеќе храна, додека енергијата ќе му се зголеми за 15%.
На тој начин се зголемува и големината на детскиот залак. Со други зборови, секој пат кога детето ќе земе залче, става повеќе храна во устата. Бројот на залчиња останува ист за истата возраст. Кога детето само ќе си ја одреди својата порција, ќе изеде 25% помалку од она што би го изело ако му сервирате поголема порција.
Кај децата од предучилишна возраст, зголемувањето на порциите како резултат има зголемен внес на храна, поголем од оној кој му е потребен на детето, што води кон обезност (дебелина).
Најдобро е да му се дозволи на детето само да ја одбере количината на процијата што ќе ја изеде. Тогаш детето зема онолку храна колку што му е потребна. Избегнувајте на детето да му давате премногу храна, оти ако детето е се уште гладно, секогаш може да му додадете подоцна.
