Иако хранењето на бебето создава посебна емотивна врска со него, родителите исчекуваат и кога тоа ќе биде способно само да го држи своето шишенце. За да го достигне овој стадиум, важно е претходно бебето да гии развие моторичките вештини, координација и сила, особено во горниот дел на телото.
Со оглед дека секое бебе се развива со свое темпо, не може точно да се предвиди во кој период тоа само ќе успее да си ги држи шишето. Додека некои деца оваа вештина ја развиваат веќе во шестиот месец, на некои им е потребно да стигнат до десетиот, па и некој месец повеќе.
Некои знаци може да ви покажат дека бебето е подготвено само да го држи шишенцето:
- Може само да седи (што обично се случува помеѓу 4. и 7. месец)
- Може само да дофати предмети
- Можеби почнува само да го фаќа шишето во текот на хранењето
Никогаш немојте да го оставате шишенцето во бебешката уста додека лежи. Може да се прејаде, да се задуши од премногу течност. Исто така, при ова може да дојде и до инфекција на увото.
КАКО МОЖЕТЕ ДА ПОМОГНЕТЕ?
- Ставете ги рачињата на бебето на шишето додека го храните. Оставете да ги тргне рачињата доколку не го сака тоа, но обидете се повторно по неколку минути.
- Немојте премногу да го полните шишето, оти бебето веројатно нема да има сила долго да го држи. Може да вежбате и со празно шише.
- Додека седи, детето нека си игра со играчки. Веројатно ќе ги приближува до устата, што развива координација и сила потребна за хранење.
- Бебето нека има редовни периоди на лежење на стомак, за да го зајакне горниот дел на телото.
Кога бебето ќе почне само да го држи шишето, бидете сигурни дека сте ги обезбедиле сите мерки на претпазливост. Никогаш не го оставајте бебето само додека јаде, особено не во кревет. Можеби ќе му годи, но тука постои опасност од гушење. Секогаш гледајте го детето додека јаде и слушајте го звукот.
