Колку сон им треба на децата? Време за спиење според возраста

Бебињата, децата и тинејџерите имаат потреба од значително повеќе сон отколку возрасните, за телото да може да го следи нивниот брз ментален и физички развој. Повеќето родители знаат дека растечките деца имаат потреба од добар сон, но многумина не внимаваат доволно на правилниот ритам на легнување, односно, им дозволуваат на децата да останат будни до доцна во ноќта. Особено е проблематично кога децата се мали, па двегодишни деца остануваат будни до 22 или дури 23 часот.

Стручњаците советуваат: легнување во исто време според возраста

Погрешно е децата да се навикнуваат на таков ритам, најчесто со оправдување дека ќе надоместат со подолго спиење наутро. Наместо да спијат до пладне, подобро е децата да се разбудат порано или да имаат кратко попладневно дремење, за да бидат уморни до вечерта.

Родителите често прават грешка кога дозволуваат децата до доцна да си играат, гледаат телевизија или користат екрани, бидејќи “не изгледаат уморно”. Иако детето треба да легне, тие му даваат уште малку време „да се истрча“, мислејќи дека така полесно ќе заспие. Но најчесто не е така – дете кое не изгледа уморно може да биде преморено, па телото се „бори“ да остане будно. А таков организам тешко се смирува, и сонот доцни.

Во многу случаи, причината поради која детето тешко заспива е промената во околината или навиките околу времето на спиење. Децата сакаат ред и рутина, па обидете се да ги легнувате секогаш во слично време според препораките – за да го дочекаат утрото одморени.

Истражувањата покажуваат дека раното време за спиење, помеѓу 19 и 20 часот, е најдобро за бебиња и деца во школска возраст. Половина час пред легнување исклучете телевизори, таблети и мобилни уреди, и создадете смирувачка домашна атмосфера.

Предложено време за спиење според возраста