Јајцата се многу здрава намирница – содржат протеини, здрави масти и бројни други хранливи материи, па пожелно е да се најдат на детското мени. Меѓутоа, кога ќе дојде Велигден, децата уживаат да чукаа со јајца, кои потоа ги јадат, па родителите често се грижат децата да не изедат премногу – еве што велат експертите, која бројка е граница.
Пред се, треба да се напомене дека велигденските јајца не треба да се даваат на многу мали деца кај кои се уште не е воведено јајце во исхраната, поради ризик од алергиски реакции. Воведувањето на јајце во исхраната почнува постепено од седмиот месец од животот на бебето и по одреден редослед – првата недела се дава една осмина од жолчката, следната недела четвртина од жолчката, па половина од неа, а дури во четвртата недела се внесува целата жолчка. Во овој период на воведување на јајце, бебето треба да јаде два пати неделно по едно јајце, како замена за месото.
Кога станува збор за постарите деца, нутриционистите посочуваат дека не треба да јадат повеќе од две јајца, додека границата за здрави, млади луѓе е три до четири варени јајца. Возрасните мажи можат да изедат до три велигденски јајца, а жените две. Кога станува збор за постари лица кои имаат некои здравствени проблеми, тие не треба да јадат повеќе од едно јајце.
